Plantun de Prouvènço

Pèr coumpara dos planto d'encò nostre

Cuscuta approximata & Galium anisophyllon

Péu-de-lin(-di-sepalo-lusènto)

Cuscuta approximata

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute approximative.

Descripcioun :
Lou péu-de-lin-di-sepalo-lusènto, pulèu rare, douno d'èr à Cuscuta epithymum, pamens la planto èi pu forto amé de flour blanco. Se n'en destrìo subretout que si sepalo soun lusènto e ounte se vèi de costo reticulado (fotò); la subsp. de Prouvènço ié dison approximata.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 5 à 9 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à juliet

Liò : Tepiero seco - Relarg à jóuinis aubret
Estànci : Subremediterran à Mountagnard
Couroulougi : Paleoutemperado
Ref. sc. : Cuscuta approximata Bab., 1844

Reboulo(-di-fueio-despariero)

Galium anisophyllon

Rubiaceae

Nom en français : Gaillet à feuilles inégales.

Descripcioun :
Aquesto reboulo renadivo trachis en tepiero dins li pelouso roucaiouso e lis esboudèu de mountagno. Se recounèis majamen à si fueio un pau estrecho, verticillado pèr 5 à 7, emé d'ùni mens longo. En auto mountagno èi poussible de s'engana emé la reboulo-di-gròssi-grano, Galium megalospermum, que trachis dins li mémi relarg ; pamens aquesto èi mai pichoto, emé de fueio pu larjo e courto, e a de flour pu jaunasso emé de fru que retoumbon.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 20 cm
Fueio : verticilado
Tipe bioulougico : Geoufite
Cicle bioulougico : Planto renadivo

Gènre : Galium
Famiho : Rubiaceae

Ordre : Gentianales

Coulour de la flour : Blanco
Petalo : 4
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : 200 à 2800 m
Aparado : Noun
Jun à avoust

Liò : Tepiero roucaiouso - Esboudèu - Roucaio
Estànci : Subremediterran à Subaupen
Couroulougi : Ouroufito-Sud-Euroupenco
Ref. sc. : Galium anisophyllon Vill., 1779

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cuscuta approximata & Galium anisophyllon

ges

Coumpara Péu-de-lin(-di-sepalo-lusènto) emé uno autro planto

Coumpara Reboulo(-di-fueio-despariero) emé uno autro planto